Kaibigan, ikaw ba ay hindi pa ligtas? Sana malaman mo na ang kabutihan ng Diyos ay siyang umaakay sa iyo sa pagsisisi. Naghahanap ka ba ng paraan kung paano maligtas ang iyong kaluluwa? Tandaan mo itong mga salita: sa pamamagitan ng biyaya. Ang biyaya ng Diyos ay nagpapalagay na hindi tayo karapat-dapat na maligtas. Ang lalawigan ng grasya ay tumitigil kung saan naguumpisa ang merito o kahalagahan ng gawa ng tao. Mabuting balita ito para sa lahat ng mga makasalanang tao. Para sa lahat ng walang ipinagmamalaki. Ang grasya ng Panginoon ay para sa lahat na mapakumbaba at walang kabutihan. Lahat ng krimen ay pinapatawad, lahat ng kahangalan ay ipinapagaling ng Tagapagligtas ayon sa kanyang dakila at libreng pabor. Walang mabubuting gawa ng tao, walang sacramento ng iglesia, walang tubig ng bautismo, at walang pagiging kasapi sa ano mang organisasyon ang pwedeng magbigay ng kapatawaran at kaligtasan. Ang grasya ay galing lamang sa Diyos Ama na nasa kalangitan at binibigay niya ito na sagana sa lahat at hindi nanunumbat. Ang grasya ay dumarating sa atin sa pamamagitan ng pananampalataya kay Jesus. Sino man ay sumasampalataya ay hindi mapapahamak.