Una sa lahat, mayroon kang Makalangit na Ama. Maraming mga tao akala nila na lahat ng tao ay kasapi sa pamilya ng Dios o ang akala nila sila ay anak ng Dios. Totoo nga na siya ang Manlilikha ng lahat pero hindi totoo na siya ay Ama ng lahat. Bago ka naligtas, ang ama mo sa espiritu ay si Satanas, at ikaw ay sumasailalim sa kanyang pamamahala. Noong sinundan natin si Satanas ang dami nating mga kaguluhan, pero ngayon tayo ay pinalaya ng Panginoon sa pagkaalipin kay Satanas at inilipat tayo mula sa kaharian ng kadiliman at ngayon tayo ay tinaggap ng Dios sa Kanyang pamilya. Salamat sa Dios mayroon tayong Ama sa langit na nagmamahal sa atin, and nais niya ang pinakamahusay na buhay para sa atin bilang anak ng Dios alang-alang kay Jesus. Natutuwa ang Dios na pagpalain Niya tayo: “Kayo, bagaman masasama ay marunong magbigay ng mabubuting kaloob sa inyong mga anak, gaano pa kaya ang inyong Ama na nasa langit? Hindi ba niya ibibigay ang mabubuting bagay sa kanila na humihingi sa kaniya?” (Mateo 7:11)

Pangalawa, mayroon tayong Makalangit na panustos. Ang isang mabuting Ama ay nag-aalaga ng Kanyang mga anak. Ganilto rin ang pagmamahal at pangangalaga ng Dios Ama sa kanyang mga anak. “Ang mga bagay na ito ay mahigpit na hinahangad ng mga Gentil. Alam ng inyong Ama na nasa langit na kinakailangan ninyo ang lahat ng mga bagay na ito. 33 Ngunit hanapin muna ninyo ang paghahari ng Diyos at ang kaniyang katuwiran, at ang lahat ng mga bagay na ito ay idaragdag sa inyo.” (Mateo 6:22-23) Huwag mag-aalala sa pagkain, pananamit, bahay, o kahit anumang nga bagay. Siyempre, inaasahan ng Panginoon na ikaw ay magsumikap at magtrabaho, pero sa gitna nito ang Dios ay Siyang tutulong sa iyo basta magtiwala ka sa Kanya.

Pangatlo, mayroon tayong Makalangit na pagtutuwid. Lahat ng mahusay na mga magulang ay marunong ilagay sa wasto ang kanilang mga anak. Mahal na mahal ng Dios ang Kanyang mga anak at hindi Niya pinapayagan ng Dios na maging suwail ang Kanyang mga anak. “Sapagkat itinutuwid ng Panginoon ang mga iniibig niya, pinapalo ang bawat tina-tanggap niya bilang anak.” (Heb. 12:6) Hindi naman nawawala ang kaligtasan, pero hindi rin pinapayagan ng Dios na gumagawa ng kasalanan ang Kanyang mga anak. Gumagawa ng paraan ang Dios upang makuha Niya ang ating pansin. Ito ay biyaya rin upang hindi tayo magpatuloy sa landas ng kasalanan at kabaluktutan, sapagkat ito ay nagdudulot ng pighati at kasakitan.