Nakabili ka na ba ng bagong cell phone at nasubukan mo na bang gamitin ito na hindi mo binasa ang owner’s manual? Maaring matuklasan mo ang ilang mga basic features, pero hindi ka makakabisa nito sapagkat hindi mo talaga alam ang lahat ng patungkol sa cell phone na nabili mo. Siguro, okay lang ito sa cell phone, pero hindi ito okay pagdating sa kaligtasan! Ang mga hindi nagbibigay pansin sa pagaaral ng salita ng Dios, ang Banal na Kasulatan, o ang Biblia, ay madalas na nabubuhay sa pamamaraan ng pagsubok at pagkakamali, at siguradong mas higit ang mga pagkakamali. Ito ay kabiguan, at halos walang magandang pamumunga sa buhay. Dapat alamin mo kung ano ang mga nakuha mo noong tinanggap mo ang Panginoong Jesus sa iyong buhay. Salamat sa Dios at binigyan Niya tayo ng Salita na galing sa Langit. Ito ay ang liwanag sa ating landas, at gabay para sa ating buhay. Tayo ay iniligtas ng Dios upang magbigay sa Kanya ng kaluwalhatian. Oras na para maging matatag na Christiano sa grasya ng Panginoon at magsisimula ito sa tunay na pagaaral ng Kanyang mga salita.