Ang biyaya ng Diyos ay kahanga-hanga sa tatlong dahilan: Una, sapagkat kapag ang isang tao ay naligtas ay maliligtas siya magpakailanman. Ang pangakong ito ay ayon sa sinabi ng Panginoong Jesus sa Juan 5:24 "Katotohanan, katotohanang sinasabi ko sa inyo, Ang dumirinig ng aking salita, at sumasampalataya sa Kaniya na nagsugo sa akin, ay may buhay na walang hanggan, at hindi darating sa kaparusahan; ngunit lumipas na mula sa kamatayan tungo sa buhay. " Nangangahulugan ito na tiyak ang kaligtasan. Pangalawa, dahil ang isang tao na naligtas ay may kaligtasan ngayon. Siya ay ligtas dahil kay Jesus. Hindi niya sinusubukang kumita nito. Mayroon na siya nito. Ito ay ibinibigay na sa kanya. Nangangahulugan ito na ang kaligtasan ay kasalukuyan o ngayon. Ikatlo, dahil ang Diyos lamang ang nakakakuha ng kaluwalhatian. Hindi tayo ligtas dahil sa ating mabubuting gawa. Naligtas tayo dahil sa sakripisyo ni Hesus. Pag dating natin sa Langit, walang sinumang may ipagparangalan ng kanyang mabubuting gawa. Ang lahat ng kaluwalhatian ay pupunta sa Diyos, at sa Diyos lamang! Nangangahulugan ito na magkakaroon tayo ng walang hanggan pagkakataon upang mahalin at pasalamatan ang Diyos ng dahil sa Kanyang kamangha-manghang biyaya.