Malapit sa katapusan ng Mateo 16, sinabi ng Panginoong Jesus sa kanyang mga alagad ang patungkol sa kanyang paghihirap, kamatayan, at muling pagkabuhay sa ikatlong araw. Hindi na pansin ni Pedro yun patungkol sa pagkabuhay na muli ng Panginoon at nagalit siya. Pingasalitaan niya si Jesu-Cristo. At dito sinabi ng Panginoon kay Pedro, “Lumagay ka sa likuran ko, Satanas!” Napakadinti po ng mga salitang ito. Ipinaliwanag ng Panginoong Jesus ang kanyang mga salita. Hindi dumating ang Panginoong Jesus para gawin niya ang gusto niya, ngunit siya ay dumating para gawin niya ang kalooban ng Ama. Kasama sa kalooban ng Diyos ang paghirap at kamatayan. Iniisip ng Panginoong Jesus ang kalooban ng Diyos Ama. Si Pedro naman, hindi niya iniisip ang kalooban ng Diyos. Ito po ang katangian ng mga hindi ligtas. Pinagiisipan nila ang mga bagay ng tao, subalit pagdating sa mga bagay ng Diyos, wala talagang pagiisip patungkol sa kalooban ng Diyos. At dahil dito makikita natin ang kapalaran ng mga hindi ligtas. Hindi sila makakaranas ng buhay na walang hanggan. Dinagdagan pa ng Panginoong Jesus ang kanyang paliwanag. Ang gustong sumonod kay Cristo ay dapat tumanggi sa kanyang sarili. Dapat mawalan sila ng kanilang sariling buhay kung nais nilang makasumpong ng buhay. Yun mga taong nagiisip ng mga bagay na patungkol sa tao ay ang mga umiibig na magligtas sa kanilang sariling buhay. Ang buhay nila ay para lamang sa kanilang sarili. Ayaw niya ang kahirapan at kamatayan para sa Diyos. Ayaw niya sa krus. Ayaw nyang sumunod sa Panginoon. Maaring makuha niya ang kanyang gusto, siguro maayos niya ang kanilang sariling buhay, pero ang tanong ng Biblia ay ito: ano ang pakikinabangin ng tao, kung makamtan niya ang buong sanglibutan at mawawalan siya ng kaniyang kaluluwa? o ano ang ibibigay ng tao na katumbas sa kaniyang kaluluwa? Ang buong sanglibutan ay hindi kasinghalaga ng isang kaluluwa. Kapagpinili natin ang mga bagay ng Diyos, ibigsabihin pinagiisipan natin ang mga bagay ng Diyos at hindi natin binibigyan pansin ang mga bagay ng sarili or ng mga tao. Ito ang katangian ng pananampalataya sa Panginoong Jesu-Cristo.